SASTIMASKE MEDIJATORKE

SASTIMASKE MEDIJATORKE

Po fundo e Krisoso pala sastimasko arakhipe andar Amalipasi griža pala o sastipe po nivelo Republikako ande artiklo 11 ando kotor katar o vazdipe pala o sastipe thaj sastipasko arakhipe pala e kidipa e thanutnenge save si majbut ando riziko pala o nasvalipe katar 2008. berš o Ministerijumo pala o sastipe loćarda te kerel pe o projekto katar dijipe pala e sastimaske medijatorke ande sastimasko sistemo RS.

E rola katar e sastimaske medijatorke si te keren evidencija andar o sasastipe e thanutnengo ande biformalne mahale, te keren buti lenca te vazdel pe o gendo andar goda gadići si importantno te e čhavore len vakcina, sar vi andar o sasto habe thaj higijena. E sastimaske medijatorke trubun te keren te majlačhe dikhel pe sar si ande akala mahale thaj te thanutnenge vakaren kaj sigo trubun kana si nasvale te džan kav o sastarno. E sastimaski medijatorka naj sastimaski bućarni (sastarno vaj sastarni phen) voj phandel o sastimasko sistemo thaj e thanutnen ande biformalne mahale.

O Ministerijumo pala o sastipe kana arlisarda e sastimatske medijatorke dija nakhlipe e Romnjenge save si daja thaj trajin ande romani mahala. Kana dikhas kaj si len svako dive komunikacija e romane kidipasa thaj kaj aven andar late, von den importantno zuralipe e butake savo kerel o mobilno timo pala inkluzija e Romengi. Kana keren pe e radionice thaj aver aktivnosti katar o mobilno timo pala e inkluzija e Romengi, von sa godola save phanden e familije thaj e manuša andar o romano kidipe saven trubun te del pe loćaripe.