Pedagoško asistenti

Pedagoško asistenti

Pedagoško asistenti si profisionalno sikado membro andar e škola, savo jekthane e sikavnenca, e čhavorenca, familijasa thaj kidipasa, loćarel e čhavorenge andar o marginalizujime kidipe te len sa e šaipa andar o sikavipe thaj te nakhaven sa e pharipa save si len kana džan ande škola.

I fundoni škola šaj te kerel buti po jekh vakti, gaja kaj kerel pe o kontakto pala e buti e manušesa savo ka kerel buti sar o pedagoško asistento, savo del loćaripe thaj loćarel e čhavorenge, gaja sar lenge trubul te loćarel pe, thaj del o loćaripe e sikavnenge, sikavnenge ande ckni škola thaj aver manušenge gaja te šaj vazdol lengi buti e čhavorenca saven trubul loćaripe ando sikavipe.  

Kana lel e buti po than katar o pedagoško asistenti, e ckni škola vaj e škola bičhalel e manuše savo si pedagoško aistenti te džal pe goda so trubul vaj goda so lel sa modulo pala o programo pala o sikavipe. O ministro pala e prosveta ramosarel majpaše uslova ando stepeno thaj goda so si o sikavipe thaj o programo katar o sikavipe pala pedagoško asistento.

O programo pala o sikavipe e pedagoške asistentoso trubul te loćarel lese te sikavel te korkoro kerel buti savi trubul te kerel o pedagoško asistento thaj si o angluno moduli, šov modula save trubun te sikaven pe thaj štar arlisarde modula katar save o kandidato trubul te lel duj. Šov modula save trubun te len pe loćarel te o pedagoško asistento šaj: kerel buti e familijasa, buti e manušenca save lesa keren buti, te loćarel e sikavnenge ande škole thaj ckne škole, te lačharel  thaj te kerel realizacija katar e nastavne aktivnostura, bararipe thaj arakhipe e čhavorengo.  

E losarde modula trubun te zurjaren e pedagoške asistententonđe te den ažutipe: čhavorenge thaj e sikavnenge te bararen e čhib thaj socijalne džanglipa save trubun len pala lačho sikavipe, e čhavorenge thaj e sikavnenge saven si pharipa ando bararipe te sikaven, si invalida thaj kola saje si len aver bilačhipa, sar vi čhavorenge thaj godolenge save džan ande škola andar čore familije, andar e gava thaj andar romano nacionalno kidipe, thaj dikhel pe specifične kotora e kulturake thaj e tradicijake.

Sa e modula andar o programo pala o sikavipe vakarel pe e gendosa ESPB bodo, a gadići si o sikavipe vakarel pe kana len pe sa e ESPB bodura. Sasto kidipe katar e bodura andar o programo pala o sikavipe si 36 ESPB.

E Misija OEBS ande Srbija jekhtane e Ministerijumo pala o sikavipe katar 2007. berš kerel buti pala o sikavipe pala e pedagoške asistenta a o programo pala o sikavipe si akreditujime ando Centro pala sa o trajoso sikavipe pe Univerziteto ando Kragujevco. Ando vakti katar o juli dži kaj o novembro 2014. berš, e Misija OEBS ande Srbija, Ministerijumo pala o sikavipe, rodipe thaj tehnikano bararipe thaj Centro pala sa o trajoso sikavipe kerde ando TARI projekto, sikavipe pala 181 pedagoške asistentura. O lijipe katar e sertifikata andar o agorisardo sikavipe trubul te ovel po agor 2015. berš.