E mobilne timura

E mobilne timura pala inkluzija e Romengi si butake organa save si kerdine andar  e skupština thaj e komuna saji si ćerdi te zurjarol  jekhtani bući maškar e službenikura ande lokalne institucije. E membrura andar o mobilno timo keren jekhtane terenske džaipa ande romane mahale thaj den jekhtano thaj koordinišime loćaripe manušenge thaj e familijake.

E membrura ando mobilno timo si:

• Koordinatori/ka  pala romane pučipa savo kerel buti ande komuna vaj foro; 
• Pedagoško asistento/kinja;
• Manuš/ andar o Centro pala socijalno buti; 
• sastimasi medijatorka; 
• manuš/nji  andar e Nacionalno služba pala e buti;

E mobilne timura si kerdine gaja kaj ande sa e akta ande skupština vaj ande forura /opštine. E membrura si vakardine katar e institucije andar save aven. 

E buti savi kerel o mobilno timo:

• del  jekhtano vaj  koordinišime loćaripe pala e manuša thaj e familije;
• rodel e mangipa save si ande romane kidipa ande komuna vaj foro, a majbut ando sikavipe, sastimasko thaj socijalno arakhipe thaj buti;
• kerel promocija thaj loćaren te e Roma den ande amalipasko trajo ando lokalno kidipe;
• vakarel e kotora pala vazdipe  statutoso e Romengo  kaj e šerutne organa, ande komuna vaj o foro thaj aver organa thaj organizacije;
• kerel promocija katar o interkulturalnost thaj loćarel te pindžaren pe maškar peste e thanutne andar e komuna/folo e romane manušenca;

Kana si formirime mobilne timura kerdino si:

• Majracionalno lijipe katar e lokalne institucionalne resursa;
• Koordinišime dijipe ando dijipe katar e usluge;
• Majbari thaj majsigo dijipe katar e usluge manušenge.

Sar kerel pe e buti: 

E mobilne timura keren buti gaja kaj si len šov čhonengo operativno plano ande savo si: e buti, o rezultato savo ka avel, anglune indikatora, aktivnosti, resursa, vakti, e manuša save trubun te keren goda. E metodologija pala e buti del vi dikhipe katar o gender jekhanipe ande faze katar o plano, implementacija thaj evaluacija katar e aktivnosti saje si ćerdine.